Journalist and Blogger, Facing up to 2 Years in Prison

အသေးစိတ်ဖတ်ဖို့ - To Read More: http://www.rsf.org/article.php3?id_article=28041

မြန်မာပြည်မှာ ရှိတဲ့အရာတွေနဲ့ မရှိတဲ့အရာတွေကို နှင်းခါးမိုးရဲ.ဘလော့ http://nykomme.blogspot.com/ထဲကို ၀င်ကြည့်တုန်းကတွေ.ခဲ့တဲ့ကဗျာထဲမှာ အခုလို ပုံဖေါ်ထားပါတယ်။

ပြန်ပေးဆွဲခံထားရတဲ့ဒုက္ခသည်စခန်းကြီးတခု

အဲဒီ့မှာ...
ကလေးတွေအတွက်စာသင်ခုံတွေ
အလုံအလောက်မရှိပေမယ့်
အလုပ်လက်မဲ့တွေအတွက်ဘိလိယက်ခုံတွေ
အလုံအလောက်ရှိတယ်။

အဲဒီ့မှာ...
ကမ္ဘာကြီးနဲ့ ဝင်ဆန့် နိုင်ဖို့
့အင်တာနက်ကဖေးတွေ မရှိပေမယ့်
ကိုယ့်နွားခြေရာခွက်ထဲမှာ တကိုယ်တော်ရွက်လွှင့်ဖို့
စည်ဘီယာဆိုင်တွေ ရှိတယ်။

အဲ့ဒီမှာ...
အိပ်မက်တွေအတွက်မနက်ဖန်မရှိပေမယ့်
ဒီနေ့အတွက်နှစ်လုံးထီရှိတယ်။

အဲ့ဒီမှာ...
ရိုးရိုးကျင့် မြင့်မြင့်ကြံဖို့
ကောင်းရောင်းကောင်းဝယ် ဈေးကွက်မရှိပေမယ့်
ဒီကွေ့ ဒီတက်နဲ့ လှော်ဖို့
အပေါင်ဆိုင်တွေ ရှိတယ်။

အဲဒီမှာ
မရှိပေမယ့်.. မရှိပေမယ့်၊
ရှိတယ်..ရှိတယ်..ရှိတယ်။

ခေတ်မီ တိုက်လေယာဉ်ကြီးတွေရှိတယ်...
ကြံ့ဖွံ့ရှိတယ်...
ဖယောင်းတိုင်ရှိတယ်၊
ကြားကားရှိတယ်...
ဂြိုလ်တုလောင်းကစားရှိတယ်၊

ဘောလုံးနဲ့ ဘင်လာဒင်ကို
ဘုရားစင်မှာတင်ထားတဲ့ ဂျာနယ်တွေရှိတယ်၊
ဖာခန်းဖွင့်စားတဲ့
ကြယ်ငါးပွင့်ဟော်တယ်ကြီးတွေရှိတယ်။

ပြီးတော့...
သေနတ်နဲ့ ပိုက်ဆံပေါင်းထားတဲ့
တရားဥပဒေရှိတယ်၊
ရေဒီယိုနဲ့ ကောလာဟာလပေါင်းထားတဲ့
မျှော်တလင့်လင့်နိုင်ငံရေးရှိတယ်၊
စာပေစိစစ်ရေးနဲ့ ထောင် ပေါင်းထားတဲ့
စာနယ်ဇင်းလွတ်လပ်ခွင့်ရှိတယ်။

ပြီးတော့...
ဗိုလ်ချုပ်ကြီးတွေက... အပီခိုးသွားတယ်...
လူအုပ်ကြီးတွေက...ဆီတိုးစားတယ်...
အမှားတွေပျောက်မလားလို့
တံတားတွေဆောက်ထားတာ ရှိတယ်။
မြို့ပြင်လယ်ကွင်းပြင်ကြီးထဲ ထုတ်ထားတဲ့
တက္ကသိုလ်ကောလိပ်ကြီးတွေနဲ့
ဆရာတွေ လက်ပတ်ဝတ်ကင်းစောင့်နေတဲ့
အေးချမ်းစွာပညာသင်ကြားရေး ရှိတယ်။

ပြီးတော့ ...
အိမ်ထဲကအိမ်ပြင်မထွက်ရတဲ့ လူတစ်ယောက်နဲ့
အိမ်ထဲကအိမ်ပြင်မထွက်ရဲတဲ့ လူတစ်ယောက်ရှိတယ်။

ပြီးတော့ ...တရုတ်တန်းဖြစ်သွားတဲ့နန်းတော်တစ်ခုရှိတယ်။ ။

အေပီသတင်းဌာနကနေထုတ်ပြန်တဲ့သတင်းအရ ဩဂုတ်လ ၁ ရက်နေ.က ဘလော့ဂါ၊ ဟာသသရုပ်ဆောင် ကို ဇာဂနာနဲ. အားကစားဂျာနယ်သမား ကိုဇော်သက်ထွေးတို့ကို အင်းစိန်ထောင်မှာ တံခါးပိတ် အထူးခုံရုံးတင် စစ်ဆေးခဲ့ကြောင်း သိရပါတယ်။ ဖြစ်နိုင်ဖွယ်ရှိတာကတော့ ရာဇ၀တ်ဥပဒေ ပုဒ်မ ၅၀၅ (ခ)နဲ. ထောင်ဒဏ် ၂ နှစ် ကျခံစေနိုင်တယ်လို့ ဘီဘီစီကို ပြောပါတယ်။ မြန်မာပြည်သားတွေ ဂုဏ်ယူမယ်ဆို ကြံဖန်ဂုဏ်ယူစရာပါ။ စာပေသမားများရဲ.ကလောင်သွားကို အထူးကြောက်ရွံ.တဲ့သူများပီပီ အင်းစိန်ထောင်တွင်းမှာ အထူးခုံရုံးတင်ခဲ့ကြတာ မြန်မာပြည်မှာပဲရှိပါတယ်။ တခြား စစ်အာဏာရှင်များက ချောင်းမြောင်းလုပ်ကြံကြ၊ အသရေဖျက်မှုနဲ.တရားစွဲကြ၊ ဆင်ဆာဥပဒေနဲ.ဖိနှိပ်ကွပ်ညှပ်ကြ၊ နည်းမျိုးစုံ သုံးပေမယ်. ဒီလို အထူးစပယ်ရှယ် သတိဝီရိယကြီးကြီးစစ်ဆေးစီရင်ရတာမျိုး မလုပ်နိုင်ကြပါဘူး။ ကွေ.လည်ကြောင်ပတ် နာမည်တပ်၊ ပုဒ်မတပ်ပြီး ဘာတွေပဲ ပြောပြော အားလုံးသိနေကြပြီးသားပါ။ ဒါ " မြန်မာပြည် " ပါ။ (ဒီ post ကို အခုလို ပြင်ဆင်ပြီးမှ ပြန်ဖော်ပြဖြစ်သွားတဲ့အတွက် စာဖတ်သူများကို တောင်းပန်ပါရစေ။)